Decreto della Congregazione dell'Indice - n. XIV del 5 marzo 1616
Per andare alla pagina
iniziale del sito di Giangi Caglieris
Per andare alla pagina Quadro sul De
Revolutionibus
Per andare alla pagina generale sul
Monitum, Votum e le Modifiche
DECRETUM
Sacrae Conaregationis Illustrissimorum S. R. E. Car-
dinalium, a S. D. N. Paulo Papa V Sanctaque Sede
Apostolica ad Indicem librorum, eorumdemque
permiss'onem, proibitionem, expurgationem et
imPressionem in unìversa Republica Christia-
na, specialiter deputatorum, ubique publi-
candum.
Cum ab aliquo tempore cìtra prodierint in lucem inter allos nonnulli libri varias haereses atque errores continentes, ideo Sacra Congregatio Illustrissimorum S. R. E. Cardinalium ad Indicem deputatorum, ne ex eorum lectione graviora in dies damna in tota Republica Christiana oriantur, eos omnino damnandos atque prohibendos esse voluit; sicuti praesenti Decreto poenitus damnat et prohibet, ubicumque et quovìs idiomate impressos aut imprimendos: mandans ut nullus deinceps, cuiuscumque gradus et conditionis, sub poenis in Sacro Concilio Tridentino et in Indice librorum prohibitorurn contentis, eos audeat imprimere aut imprimi curare, vel quomodocumque apud se detinereaut legere; et sub iisdem poenis, quicumque nunc illos habent vel habuerint in futurum, locorum Ordinariis seu Inquisitoribus, statim a praesentis Decreti notitia, exhibere teneantur. Libri autem sunt infrascrípti, videlicet:
Theologiae Calvinistarum libri tres, auctore Conrado Schlusserburgio.
Scotanus Redivivus, sive Comentarius Eroternaticus in tres priores libros codicis, etc.
Gravissimae quaestionis Christianarum Ecclesiarum in Occidentis praesertim partibus, ab Apostolicis temporibus ad nostram usque aetatem continua successìone et statu, historica explicatio, auctore Iacobo Usserio, Sacrae Theologiae in Dubliniensi Acadernia apud Hybernos professore.
Frìdenici Achillis, Ducis Vuertemberg, Consultatio de principatu inter Provincias Europae, habita Tubingiae in Illustri Collegio, Anno Christi 1613.
Donelli Enucleati, sive commentariorum Hugonis Donelli de lure Civili, ìn compendium ita redactorum etc.
Et quia etiam ad notitiam Praefatae Sacrae Congregationis Pervenit, falsam ipiam doctrinam Pithagoricam, divinaeque Scripturae omnino adversantem, de mobilitate terrae et immobilitate solis, quam Nicolaus Copernicus De revolutionibus orbium coelestiunm, et Didacus Astunica in Job, etiam docent, iam divulgari et a multis recipi; sicuti videre est ex quadam Epistola impressa cuiusdam Patris Carmelitae, cui titulus: " Lettera del R. Padre Maestro Paolo Antonio Foscarinì Carmelitano, sopra l'opinione de' Pittagorici e del Copernico della mobilità della terra e stabilità del sole, et il nuovo Pittagorico sistema del mondo. In Napoli, per Lazzaro Scoriggio, 1615 ", in qua dictus Pater ostendere conatur, praefatam doctrinam de immobilitate solis in centro mundi et mobilitate terrae consonam esse veritati et non adversari Sacrae Scripturae; ideo, ne ulterius huiusmodi opinio in perniciem Catholìcae veritatis serpat, censuit, dictos Nicolaum Copernicum De revolutionibus orbium, et Didacum Astunica in Job, suspendendos esse, donec corrigantur; librum vero Patris Pauli Antonii Foscarini Carmelitae omnino prohibendum atque damnandum; aliosque omnes libros, pariter idem docentes, prohibendos: prout praesenti Decreto omnes respective prohibet, damnat atque suspendit.